Website a HTTPS:// install dan Part-I - Lawnli Kaubawi

September 14, 2017

Website a HTTPS:// install dan Part-I


A hmasain HTTPS hi install chi pawh a ni lo va, kan hriatthiam tlân theih zâwk nana title khi siam mai chauh ka ni. Website nei kan pung zel a, a la pun belh zel bawk ang. Google chuan internet a data kal reng reng hi secure channel hmang veka kal turin a duh, chumi vâng chuan Chrome browser-ah te pawh website https:// protocol hmang lo ho chu Not Secure tiin a dah lang vung nghe nghe tih chrome hmang țhin ho chuan kan hria ang a. Nakin lawkah phei chuan website secure lo ho phei chu a hnuaia screenshot-a kan hmuh ang hian color sen ngatin Not secure a la inti kuau dawn a ni. Online shopping site kan nei anih a, kan website ah thil kan zuar anih phei chuan thil lei duh tu te tan kan website kha rin ngam a har tawh dawn a ni.


Example picture atâna ka hman mizostore hi a rin ngam loh tihna a ni chuang lova, payment page chu PayPal leh CCAvenue secure website-ah a lut leh daih tho.

Website space (hosting) kan leina azirin țhenkhatah chuan tuna SSL certificate kan install tûr ber hi an pe tel thei a, țhenkhat ah erawh man to deuhva lei a ngai thung ang. SSL certificate hi man to taka lei a  ngaih țhin avangin he tutorial a kan hmun tur ber Let's Encrypt hi an lo siam phah ta a, an ni hi SSL certificate issue tu niin mi tam tak donation (sum an neih loh vang ni lovin) hmanga siam a ni. An ni inpêkna avang hian khawvel pumah mi tam takin secure website kan lo neih ve theih phah a ni.

Web hosting zuartu tam zâwk te chuan Let's Encrypt hi an control panel-ah a thlawna install mai theih turin an dah tawh a, hosting sumdawng lian zual deuh deuh GoDaddy etc. te chuan sumdawnna thil anih miau avangin an control panel-ah SSL install-na hi hmuh tur a awm ve lo a ni Godaddy cPanel hosting-ah a awm leh si e. Hosting țhenkhat ah phei chuan install-na option hi an dah bo daih nghe nghe.

Aw le, a hmasa berin ZEROSSL website ah kan kal ang a, kan website address kan submit hnuah download tur file min lo pe ang a, chumi chu kan website a kan upload hnuah click tur min pe ang, kan click hnuah automatic vekin verification a inti ang a, engkim a dik chuan thla 3 chhûng atân FREE SSL Certificate hi min pe dawn a ni. Thla 3 a ral hnuah a thlawna renew leh theih a ni thung. File download tûr min pêk kha, kan control panel SSL setting-ah kan upload/install leh ang a, tichuan secure website kan nei va ta der tihna a ni mai. Step-by-step a sawi dawn chuan a thui dawn si a, video hmangin ka website pakhata ka install lai hi ka record ta zâwk mai a, min lo thlirsak dawn nia.



Next: PART-II

9 comments:

  1. Replies
    1. haha, tinge? payment page chu paypal leh ccavenue secure ah a lut tho ka tih khi 😀

      Delete
  2. Aw le khi pawimawh! 😂💦💦💦💦

    ReplyDelete
    Replies
    1. hahaha, kual nasa min ti deuh ni maw? thuziah ka thiam lo em alawm 🤣

      Delete
  3. Https hmang lo ho a not secure tih inziak turin a hranpa in chrome settings i thlak a. Chumi zawhah mizostore.com i lut a. Screenshot la in Example ah i hmang a. A tha reng mai.

    "Mahse zawngin a ma ngumkhak.." an tia mi kha?? I blog "https install dan" i zirtirna ah hian https chu a awm leh chuang bawk si lova. Hei hi example ah chuan hmang ta zawk la. Midang bei a nek kual lo hian... a fuh zawk lo maw??

    Disclaimer: Mizostore.com neitu zinga pakhat ka ni.

    ReplyDelete
    Replies
    1. Hello Francis, i comment spam list-ah a lo luh daih avangin ka lo hmu lawk lova, tlai tawh viau mahse ka lo reply reng reng ang che.

      "chrome settings i thlak a", i tih hi a dik e, nakin lawka la rollout tur tho anih vangin keima computer ah chuan ka enable ngei e.

      "i zirtirna ah hian https chu a awm leh chuang bawk si lova", blogger-ah custom url (mahni domain ngei) hman chuan https feature hi Google in an pe tel thei lo. Chuan, a hnuaia Youtube video-ah khian https la install lohna website www.jfdictionary.com ah hian ka install lai chu a awm ania, min lo view sak lo aniang e :D

      "Midang bei a nek kual lo hian", khaih, hetiang mi beih leh nêk tih lam chu ka tih ngai lo thil a ni. Chutiang anga ka lo lang anih chuan ngaihdam ka dil e. "Example picture atâna ka hman mizostore hi a rin ngam loh tihna a ni chuang lova, payment page chu PayPal leh CCAvenue secure website-ah a lut leh daih tho." tih ka ziak lang nghe nghe. Mi tam zâwk chuan an hrethiam vekin an rinawm.

      Delete
    2. Keimah ka in Google Search na lamah ka chhiar fu leh a. Hei, a lo va ngaihthlak nawm leh hman teuh ve.

      Delete
  4. Pu Sangpui, i thiam ang thiam tur hian engthleng nge i zir le? Theih nise, ka zir chak hle mai.

    ReplyDelete
    Replies
    1. Hi Ruata, computer leh internet basic i hriat chuan a tawk mai alawm, a bak chu Google lamah eng topic pawh inchhiar zau tur a tam em hi :)

      Delete

© 2014 - 2019 Lalsangpuia Ralte. Powered by Blogger.